قصيده لكل ام من امهات شهداء 25 يناير2011

من طرف راشمى الأربعاء فبراير 16, 2011 9:06 am

متزعليش يا ام الشهيد يا ام عمر ومحمود وسعيد

ولادكم رحلوا لعالم جديد عند رب العرش الرحيم الرشيد

دم ولادكم مش هيروح بعيد لأ ده فى رقبه واحد مش رشيد

وإن شاء الله قريب هيروح فى حديد ونبدأ فى مستقبل جديد

لا فيه حراميه ولا بلطجيه ولا احمد عز ولا حبيب ولا همجيه

واحنا كلنا ولادكم الجداد احمــد ومحـــمد وعبد الجــــواد

اللى رزقكم بينا رب العباد وهو اعلم واحد بمن مات

المهم ندعى لهم بالجنه لان هى فوق كل ما نتمنى

ومتنسيش يا ام الشهيد تدعى كتير لبتوع التحرير

إن ربنا يصبرهم على برود وتطنيش الكبير

علشان هما دول اللى هيودوا الباقى فى حديد

ونرجع لزمن مصر الجليل التصنيع والقوه والتصدير

العداله والجهد والتقدير يعنى لابن ريس ولا وزير

زمن يفرح ابن الفلاح ويعيش فيه مرتاح

من غير واسطه ولا فلوس ولا مجى ولا مرواح

هيبقى ظابط ووزير لكن فى الاصل هيقول انا ابن فلاح مش ابن الكبير

متزعليش يا ام الشهيد

[ندعوك للتسجيل في المنتدى أو التعريف بنفسك لمعاينة هذا الرابط]

كتب الله لهم الجنه وجعلها مثوي لهم

فهم كتبوا لنا الحريه بدمائهم

سيظلوا دوما رمز نعتز به وفي القلوب دوما مكانهم